परि॑ त्वा पातु समा॒नेभ्यो॑ऽभिचा॒रात्सब॑न्धुभ्यः। अम॑म्रिर्भवा॒मृतो॑ऽतिजी॒वो मा ते॑ हासिषु॒रस॑वः॒ शरी॑रम् ॥

परि॑ । त्वा॒ । पा॒तु॒ । स॒मा॒नेभ्य॑ः । अ॒भि॒ ऽचा॒रात् । सब॑न्धुऽभ्यः । अम॑म्रि॒ः । भ॒व॒ । अ॒मृत॑ः । अ॒ति॒ऽजी॒वः । मा । ते॒ । हा॒सि॒षु॒ः । अस॑वः । शरी॑रम् ॥२.२६॥

परि त्वा पातु समानेभ्योऽभिचारात्सबन्धुभ्यः। अमम्रिर्भवामृतोऽतिजीवो मा ते हासिषुरसवः शरीरम् ॥

परि । त्वा । पातु । समानेभ्यः । अभि ऽचारात् । सबन्धुऽभ्यः । अमम्रिः । भव । अमृतः । अतिऽजीवः । मा । ते । हासिषुः । असवः । शरीरम् ॥२.२६॥