अ॒मून्हे॒तिः प॑त॒त्रिणी॒ न्येतु॒ यदुलू॑को॒ वद॑ति मो॒घमे॒तत्। यद्वा॑ क॒पोतः॑ प॒दम॒ग्नौ कृ॒णोति॑ ॥

अ॒मून् । हे॒तिः । प॒त॒त्रिणी॑ । नि । ए॒तु॒ । यत् । उलू॑कः । वद॑ति । मो॒घम् । ए॒तत् । यत् । वा॒ । क॒पोत॑ः । प॒दम् । अ॒ग्नौ । कृ॒णोति॑ ॥२९.१॥

अमून्हेतिः पतत्रिणी न्येतु यदुलूको वदति मोघमेतत्। यद्वा कपोतः पदमग्नौ कृणोति ॥

अमून् । हेतिः । पतत्रिणी । नि । एतु । यत् । उलूकः । वदति । मोघम् । एतत् । यत् । वा । कपोतः । पदम् । अग्नौ । कृणोति ॥२९.१॥