त्रि॒ते दे॒वा अ॑मृजतै॒तदेन॑स्त्रि॒त ए॑नन्मनु॒ष्येषु ममृजे। ततो॒ यदि॑ त्वा॒ ग्राहि॑रान॒शे तां ते॑ दे॒वा ब्रह्म॑णा नाशयन्तु ॥

त्रि॒ते । दे॒वाः । अ॒मृ॒ज॒त॒ । ए॒तत् । एन॑ः । त्रि॒तः । ए॒न॒त् । म॒नु॒ष्ये᳡षु । म॒मृ॒जे॒ । तत॑ः । यदि॑। त्वा॒ । ग्राहि॑ः । आ॒न॒शे । ताम् । ते॒ । दे॒वाः । ब्रह्म॑णा । ना॒श॒य॒न्तु॒ ॥११३.१॥

त्रिते देवा अमृजतैतदेनस्त्रित एनन्मनुष्येषु ममृजे। ततो यदि त्वा ग्राहिरानशे तां ते देवा ब्रह्मणा नाशयन्तु ॥

त्रिते । देवाः । अमृजत । एतत् । एनः । त्रितः । एनत् । मनुष्ये᳡षु । ममृजे । ततः । यदि। त्वा । ग्राहिः । आनशे । ताम् । ते । देवाः । ब्रह्मणा । नाशयन्तु ॥११३.१॥