यमब॑ध्ना॒द्बृह॒स्पति॒र्वाता॑य म॒णिमा॒शवे॑। तं बिभ्र॑त्सवि॒ता म॒णिं तेने॒दम॑जय॒त्स्वः। सो अ॑स्मै सू॒नृतां॑ दुहे॒ भूयो॑भूयः॒ श्वःश्व॒स्तेन॒ त्वं द्वि॑ष॒तो ज॑हि ॥

यम् । अब॑ध्नात् । बृह॒स्पति॑ः । वाता॑य । म॒णिम् । आ॒शवे॑ । तम् । बिभ्र॑त् । स॒वि॒ता । म॒णिम् । तेन॑ । इ॒दम् । अ॒ज॒य॒त् । स्व᳡ः । सः । अ॒स्मै॒ । सू॒नृता॑य । दु॒हे॒ । भूय॑ःऽभूयः। श्वःऽश्व॑ः । तेन॑ । त्वम् । द्वि॒ष॒तः । ज॒हि॒ ॥६.१३॥

यमबध्नाद्बृहस्पतिर्वाताय मणिमाशवे। तं बिभ्रत्सविता मणिं तेनेदमजयत्स्वः। सो अस्मै सूनृतां दुहे भूयोभूयः श्वःश्वस्तेन त्वं द्विषतो जहि ॥

यम् । अबध्नात् । बृहस्पतिः । वाताय । मणिम् । आशवे । तम् । बिभ्रत् । सविता । मणिम् । तेन । इदम् । अजयत् । स्व᳡ः । सः । अस्मै । सूनृताय । दुहे । भूयःऽभूयः। श्वःऽश्वः । तेन । त्वम् । द्विषतः । जहि ॥६.१३॥